【本報訊】通識科面臨殺科，不但對通識科教師造成沉重打擊，現正就讀通識教育的學生更是前路茫茫。通識教育系應屆畢業生Jason（化名），高中已立志做通識教師，他認為「新冠名」的科目已盡失通識科本意，與自己的教育理想更背道而馳，不願未來「揞住良心」，決心轉行，放棄夢想。
Jason談到通識時滔滔不絕，他一直有為高中學生補習通識，每份補習筆記除了常見的通識歷年試卷外，亦加插了每星期的新聞，有時連法律條文甚至法庭判詞都有。如此熱愛，只因啟發Jason思考的正是通識科，「之前可能對社會時事都冇乜太留意，鍾意碌下facebook，甚至鍾意碌吓微博，可能見到一啲有趣嘅嘢就會好開心。」他表示，通識科訓練他的批判思維能力，令他做到更合理、更多角度的判斷。
早於未入讀通教系前，他已有危機感，「一開始讀通識嘅時候，已經聽聞有啲人想將佢轉做選修課。」眼見建制派傾向將國教、佔中等社會事件歸咎通識科，「好似係一國兩制下，通識科冇咗都係遲早嘅事。」惟他當年堅持就讀該科。「我好記得當初入嚟，Professor有問我哋點解想讀通識科，我當時答係想喺通識科仲有生存空間嘅時候盡量教好佢，畀學生學到嘢，學到嘅可能係思考能力上，批判思維上，或者可能係接觸到呢個世界更加多不同嘅議題。」
教育局近日推出國安教育指引及大幅改動通識科內容，Jason表明已對當局絕望，「係另一樣嘢，𠵱家變成國民教育，某程度上係洗腦。」由於通識科的本質已蕩然無存，Jason決定放棄教育夢，決心轉行，「費事到時又俾人釘牌。」