嚟自印度嘅曼聯球迷艾路拿，喺周日場熱刺作客對白禮頓嘅賽事，重注主隊身上，結果贏得5,000鎊（約53,000港元），贏咗筆錢後決定喺倫敦報章《Enfield Independent》買廣告寸摩連奴（圖左）。廣告上有一個獎盃圖片，獎盃下面有一張訊息寫住︰「親愛嘅荷西，呢則廣告我係用喺熱刺輸畀白禮頓場波度贏返嚟嘅5,000鎊買嘅。呢個係一個特別嘅獎盃，要向你講聲多謝」，而喺署名後，再補充一句︰「或者呢個係你今季贏到嘅唯一獎盃。」艾路拿揀喺《Enfield Independent》買廣告，係因為佢相信摩佬同佢啲同事訓練後會攞起呢份報紙睇喎。