馮盈盈的舊愛鍾文浩（Martin）與拍拖僅數月的「翻版徐子淇」黃潁妍（Ashley）前日在愉景灣酒店舉行婚禮，《蘋果》讀者黃小姐透過「爆相爆片」分享婚禮情況，由於疫情關係，Martin只邀請雙方家人及十數名親朋好友見證簽字儀式，不過未見他們戴上口罩防疫。
Ashley穿上吊帶低胸婚紗裙，騷兩吋事業線，表現風騷，她與Martin簽字後互相交換戒指及錫錫，Ashley更肉緊將手放在老公肩膀，甜蜜滿瀉。現場的佈置以粉調色系的鮮花作點綴，帶有古典味道，一對新人之後到戶外的海邊跟親友影合照。黃小姐說：「佢哋只係搞reception cocktail，簡簡單單，走廊仲放置咗好多佢哋嘅婚紗相，仲有用佢哋英文名『AM」設計而成嘅邀請卡。」據悉，Ashley早前已辭退空姐工作，叠埋心水做少奶奶，問到婚事如此趕急是否奉子成婚？黃小姐說：「呢樣真係唔知。」