去年12月在荔枝角開業的全港首間日式寵物超市Petkoikoi，創辦人Bodon透露，開業投資約300萬元，半年時間即回本，現時租金佔營業額約10%；開業至今營業額按年升60%，而今年4月起，生意額按月增10%至26%。
疫情下寵物除菌產品、小食等均大受歡迎，10月營業額最高逾百萬元，「香港寵物用品市場需求大，主人亦越來越肯花錢，願意畀錢寵物享受，有啲客每次嚟都花逾萬元」。
在今年舖市慘淡情況下，公司看準時機以低市價五成租下荔枝角D2 Place商場5,000呎舖位，「當時舖位冇人爭，我哋搵舖除咗要Pet-friendly，最緊要大，唔想辜負主人專登過來，但一眼望晒」。
Bodon自2003年起經營網上寵物商店，她表示，「一直都想開超市，𠵱家累積咗時間經驗、熟悉程序後就開實體店」。
日語「koi」意思是「愛」或「來」，寵物超市希望主人及寵物，齊齊購得心頭好。值得留意是，Petkoikoi並無網購服務，Bodon爽快回應，「專登嘅！喺日本見到狗同人可以一齊行街，一直想香港都有；我哋不設網店，就逼出人流，同時令更多地方接受寵物」。
Bodon表示，Petkoikoi現時目標是成為「寵物界759」，一般本地寵物店舖租貴、面積細，只能售熱賣產品，「但做超市能以種類多去攻陷客人，最緊要有得揀」。
開業後不少發展商陸續邀請Petkoikoi開分店，公司將於明年下半年在香港區開分店，全年目標開多兩間。