【重聚無期】
【本報訊】明日便是冬至，武漢肺炎困擾下的香港，有些人在節日仍無法團圓。自爆發第三波疫潮，安老院舍便禁止探訪，還未等到放寬限制，第四波疫潮又爆發。自7月起「一刀切」禁止探訪後，至今已經五個月，即使中間疫情稍有緩和，親屬仍然無法探訪。杜小姐最明白箇中痛苦，在安老院舍居住的母親最終在「牢獄」鬱鬱而終，身為女兒未能陪伴最後一段路，「係我終身嘅遺憾」。
記者：李雨夢
杜小姐的母親10月底離世，過往幾乎每日都有人輪流到安老院探望，但因為一場疫症，這大半年間，家人可以到院舍探望的次數，十隻手指數完，「差別真係好大，之前日日有人去探佢，但突然一個人都無，差別好大，佢會諗屋企人係咪唔要佢」。
自疫症爆發後，院舍以防疫為由，7月之前有限制家屬探訪的次數及時間，「分流咁樣見，好短時間，我諗親身見到只有六、七次」，杜小姐記得，那時有院舍職員嘗試替兩母女進行視像通話，但對於雙方的溝通無太大幫助，「我阿媽唔識得視像通話，唔係個個老人家都識得視像，佢都唔知你喺度做乜」。
在家人無法探訪的情況下，杜小姐的母親患上抑鬱症，「媽媽係一個好怕孤單嘅人，好驚人哋唔要佢，見唔到屋企人自然唔開心，又唔食嘢又唔飲水……」。心理健康同時影響生理，她指過去「有肉」的母親，在疫情之後，外形已變成是「皮包骨」，「瘦到不似人形，塊面真係好似骷髏骨頭咁，見到咁樣好心痛」。
自從7月爆發第三波疫潮，波及安老院舍，社會福利署向安老院舍發出指引，禁止體恤原因以外的探訪。杜小姐能有數次見上母親的機會，都是因為母親發病需送院，在急症室短暫相見，「喺急症室見到佢時，佢都喊晒……」。
直至母親的身體狀況越來越差，杜小姐家人才能以體恤理由獲放行，在院舍裏探望母親，也是唯一一次，「有次話酌情畀我哋見一次，探之前要做晒檢測、着晒保護衣，見咗一個鐘。」
杜小姐心裏明白，若然安老院舍爆發疫症將會是嚴重且一發不可收拾的狀態，然而作為一個過來人，她希望政府可以在疫情緩和的時候，制訂政策時多思考長者的心理及健康狀況，「係咪可以要求家屬做檢測、穿晒保護衣、手套、帽，每次探訪都採取分流方法，即使只有一個鐘都好」。
在第三波疫潮與第四波疫潮緩和的那段時間，政府開放酒吧、主題樂園等場地，都令她深感不公，「點解老人院當時唔可以開放？我嗰段時間唔敢約人食飯、做足防疫措施，就係為咗等有機會可以去老人院探阿媽……」結果未等到放寬，於十月底時，因為身體急轉直下，杜小姐母親離世，對於未能陪伴母親走完人生最後一段路，又想起母親離開時是孤單一人，成為杜小姐人生中最遺憾的事，「如果以人道立場，係咪要幫啲老人家諗吓解決方法？𠵱家受罪嘅就係老人家同埋我哋屋企人」。