鄭裕玲（嘟姐）日前在商台節目《口水多過浪花》中，大談與周星馳的相處經歷，事關有傳星爺初入行拍攝電視劇《天龍八部》扮演遼兵甲時，嘟姐指星爺：「路人甲永遠唔可能成為主角。」其後，二人於電影圈只在《賭霸》及《豪門夜宴》中同戲出現而沒有對手戲，有傳二人積怨甚深沒真正合作，嘟姐在節目中說：「我真係冇講過。」
嘟姐更提到原來二人曾合作拍劇《生命之旅》，她說：「同我都有少少對手戲，佢會同我傾吓偈，之後就有個是非出咗嚟，咁我就要平反啦！」嘟姐指當年星爺的確曾問她意見：「有次等埋位佢問我做演員有冇前途，但可能周圍有人聽到就加鹽加醋，我記得我係話：『你好有潛質，畀心機做呀』。」