一直敢言的杜汶澤早被內地封殺，在香港的電視節目、劇集以及電影已絕少演出，前年他創立網台《喱騷》，炮製不同節目在fb及YouTube播放。不過，阿澤有感近年網上平台經常自我審查，創作言論自由不斷收窄，他昨日宣佈其網台將於下周三開始全面撤離fb及YouTube，轉攻收費app，阿澤更表明態度：「開創自己嘅平台，打造屬於真．香港人嘅娛樂！」難怪獲不少網民支持。
杜汶澤前年創辦的網台《喱騷Chapman To’s late show》，分別在fb及YouTube播出旗下多個節目，當中不少更是諷刺時弊，因此深受網民歡迎。惟近年社交平台不時自我審查，令言論及創作自由越縮越窄，若見敏感留言或片段被封鎖及刪除，阿澤有感這些平台已經變質，因此他昨日宣佈下周三《喱騷》將全面撤離fb及YouTube，轉攻收費app及網站跟網友繼續無畏無懼暢所欲言。
阿澤昨日在fb貼出短片及留言宣佈新動向，正式宣佈《喱騷》App及網站在下周三全球正式上架，阿澤留言謂：「開創自己嘅平台，讓屬於真．香港人嘅藝人，打造屬於真．香港人嘅娛樂！」片段甫開始阿澤先指出香港的娛樂跟很多事情一樣，已去到一個看不到未來的狀況：「原因好簡單，電影公司或者係電視台嘅老闆，佢哋嘅立場同取向已經決定一切，呢樣係好正常，投資者梗係有權選擇，所以關鍵就係邊個係老闆。」阿澤解釋轉做收費app及網頁目的，是務求將創作自由上的障礙減到最少，更希望由一個網台發展到成為真正的電視台。
除綜藝節目外，阿澤更希望製作劇集及電影：「香港人點解養唔起香港人？我作為公司最大嘅單一股東，我嘅選擇，如果要拍嘢，梗係拍畀香港人睇喇！我相信呢個世界、呢個時代，根本唔需要有娛樂大亨，因為我相信，觀眾先係真正嘅娛樂大亨。」尾段再有字眼播出「香港視壇再無界限，我要娛樂有得揀」。
短片亦播出黃秋生主理的《黃秋生大師班》預告，估計此節目將是《喱騷》app面世時首個推出的節目，當中有份跟秋生學做戲的學員，有王宗堯、陳漢娜和莊韻澄等，並由阿澤太太田蕊妮做監製。阿澤本月初舉行的「香港企硬」talk騷，亦會在《喱騷》app獨家播放。各地的網友紛紛留言要課金支持：「希望你發展成香港netflix，養起班黃藝人。」、「如果可以有得睇埋鄭中基講咗好多年，話自己製作嘅美女廚房就好啦！到時記得加價。」反應非常熱烈。
對於開發收費app，阿澤昨日回覆《蘋果》表示：「冇錯，仲傾緊搞網劇，你睇吓𠵱家啲經理人公司幾仆街先得，啲藝人唔畀做嘢、又唔畀講嘢，我都想開部戲畀秋生，自己心係咁諗。」他透露月費60元，另外可以付一年600元成為VIP會員，VIP不但可看到12個月的節目，還可收看他早前演出的talk騷，阿澤笑說：「聽落係咪好X抵呢！」之後阿澤在個人fb留言指見到反應熱烈，十分感恩，對於不少人覺得他很冒險，阿澤謂：「香港行到今日，唔通真係仲有險可守咩？無論響生意角度或者創作自由度，社交媒體嘅前景，我個人就唔係咁睇好。」最後他坦言今次是「置之死地而後生」。