59歲的資深藝人陳安瑩，日前上好友苑瓊丹主持的《開工大吉77》做訪問，她透露小時候以「丁艷」作藝名成為粵劇童星，在片場打滾時深得前輩疼愛：「好多前輩都好錫我，好似鄧碧雲嘅媽媽係我媽咪嘅契娘，所以我叫佢做姨媽，關德興師傅係我契爺。我小朋友嗰陣，梁醒波、何非凡、李寶瑩呢啲前輩睇我唱戲，係好珍貴嘅回憶，我冇乜同人講過。」
感情方面，陳安瑩坦言已有一個拍拖數十年的男友：「佢係我初戀情人，由18歲拍拖到𠵱家，之前阿媽話過30歲前唔好結婚，入晒腦，所以大家冇晒結婚欲望。𠵱家佢喺內地長居，有朋友問我怕唔怕佢包二奶，我諗咗一諗，反正自己照顧唔到佢，有人煲湯畀佢都唔錯！」