今周繼續玩北歐聯賽，挪超比較有信心；去到季尾階段，戰意係揀波嘅先決條件，奧特足球會屬小弟挪超愛隊，名氣唔太響，賠率相對冇咁乏味，而且勝在主場夠晒惡，𠵱家仲有爭前三機會，對住風流波薩普斯堡，三分穩執，主W可以熱捧。
奧特足球會上季最終排第四，冇份踢歐洲賽，今季仍然有心挑戰前三，雖然暫時第三位係「硬嘢」洛辛堡，不過奧特都只係落後4分兼踢少1場，仍然未絕望。周六奧特主場對薩普斯堡，海外博彩公司平均值主W1.98倍，讓平/半中水，呢排足智彩開「讓球」盤比較謹慎，呢場未必開，既然係咁都要揀番主W。奧特經過三場作客之旅終於返到主場比賽，雖然呢班波作客麻麻，呢3場只係拎到勝和負各1，大敗畀洛辛堡1:4，只因對手太強。相反主場就信心十足，已經連贏六場，今季10場主場拎到7勝，勝率高達七成。相反對手薩普斯堡排第10，護級壓力就唔高，近期戰績都開始走樣，已然連輸兩場，就算首循環主場2:0贏奧特，今次作客都冇運行。
唔少球迷賭挪超，都追住洛辛堡呢支老牌勁旅賭，冇錯呢班兵開季戰績麻麻，一度只排第12位，不過始終都有班霸級數，調整好就可以追落後。佢哋家陣已經升番第三位，都仲有嘢要爭，加上歐霸盃已經出局，冇晒包袱，下周日主場鬥護級分子史達，「讓球主客和」[-1]定[-2]都好，放心揀「主勝」。下星期日瑞超都有唔少選擇，前列大戰艾夫斯堡主場對諾高平，兩軍近況都唔錯，簡簡單單揀個和局。
文：Goal進