無綫前金牌監製錢國偉（Wilson）前日胰臟癌病逝，終年58歲。錢國偉生前參與過不少綜藝節目、電影及演唱會監製的工作，相識滿天下，不少圈中人對他的離去感到不捨和惋惜。
莫可欣和楊思琦昨日在灣仔出席慧妍雅集活動，莫可欣憶述今年初見到錢國偉時已覺得對方身體不適，她說：「我同佢合作過，佢好nice，見到我都會好熱情咁打招呼，但今年年頭我喺超市見過佢，佢冇咗嗰種熱情，我諗佢應該有啲唔舒服，佢絕對係一個好人，希望佢快啲安息，生命無常，大家要珍惜生命。」楊思琦則說：「噚日收到消息覺得好震驚，以前喺TVB，佢經常搵我上節目《味分天下》、《獎門人》做嘉賓，佢對任何人都好nice，係一個好好嘅長輩。」
另外，薛家燕前晚在將軍澳出席活動，提到錢國偉在2018年為她擔任慶祝入行60周年演唱會監製，家燕姐一度哽咽說：「聽到Wilson離世，好難過，心情一直唔好，佢係我哋嘅好拍檔。我知道佢最近身體唔好，本來諗住中秋節去探佢，但佢話唔使客氣，希望佢太太節哀順變，我永遠唔會忘記佢嘅好，好懷念佢！」家燕姐還表示雖然錢國偉患病期間很辛苦，不過他們一家都積極面對：「佢仲話如果工作上需要幫忙，隨時可以打電話畀佢。」
至於社交網昨日有不少跟錢國偉合作過的藝人，包括方力申都留言悼故友：「昨天心情實在太沉重。星期一傍晚我去了醫院探病，在場有很多Wilson的親朋好友。兄弟，看到你有這麼多愛錫你的朋友，這麼多人對你離去的不捨，這都是肯定了你的為人。放心吧，我們一班兄弟姊妹會好好照顧錢太和囡囡。Rest in peace，my brother！」
視錢國偉為伯樂、曾於遊戲節目《耳分高下》擔任「Sing之天使雪梨」的林芊妤（Coffee）也留言感謝錢國偉的提拔，並在人生的低潮期在身邊開解。而在節目《美女廚房》中擔任阿飯的孫慧雪留言感謝錢國偉給予機會，並希望錢國偉家人會勇敢堅強面對。