劉德華在新片《熱血合唱團》中扮演音樂老師嚴Sir，今次起用33位青少年當合唱團學生，雖然在不少同學眼中，華仔是眾人偶像，很難有機會接觸到，但當中一位13歲年紀最小的學生姚學智，竟有眼不識泰山：「其實我初初完全唔知劉德華係邊個？唔明點解有人見到佢會喊，後來媽媽同我講佢係大明星，我就開始留意到巴士、CD舖都有佢啲嘢，先知佢真係好紅。」
面對年輕一輩，但華仔自覺青春沒離他而去：「雖然我體能上唔及佢哋，但心態上絕對可以溝通。今次見到佢哋會諗返起自己後生時，以前我嘅夢想係做導演，但經過一段時間後，老師發掘我做戲較有潛質。所以每個人都要堅持夢想，最重要拎得起放得低，識得轉換心態。」