壹傳媒創辦人黎智英噚日邀請蘋果《頭條動新聞》主持曾志豪、王喜出席互動節目「蘋天說地」，由美國大選講到昔日《頭條新聞》，佢哋不約而同認為拜登個仔亨特嘅性醜聞未必會影響父親選情，但特朗普仍然有機會勝出。
拜登係民調稍稍領先，但喺節目入面，佢哋三個仍然認為特朗普有機會跑出，肥佬黎形容侵侵忠粉極度狂熱，相反拜登支持者氣勢較弱，佢唔覺得咁嘅氣勢下拜登可以贏到，仲疑問美國人係咪接受到俾拜登呢啲左派拉住鼻走，變到社會主義咁。
曾志豪亦話，侵侵忠粉係真心支持侵，但投拜登嘅人多數只係因為唔鍾意侵侵而含淚投票，但唔係個個都希望含淚投票；王喜覺得拜登選情要視乎美國有幾多階層被滲透，可能有啲人已經決定咗、或者被決定投佢，呢啲事影響唔到幾多。
李八方