已有一仔一女嘅李蘊，噚日喺社交網貼出大露背嘅靚相兼留言：「影後，天氣凍啦，着多件衫。」當然網民只着眼喺佢白滑嘅背脊，大讚保養得宜。
曾淑雅不時約朋友行山，不過呢日佢就改約屋企人及愛犬，既可運動舒展身心，又可同家人享受天倫之樂，佢話再食埋豆腐花，絕對係大滿足。
楊愛瑾（左）約鄧麗欣（Stephy）食飯補祝佢37歲生日，點知Stephy男友邱勝翊（王子）留言問係咪有人飲多咗，Stephy搞笑叫佢可以私聊，公然耍花槍。
一向愛狗如命嘅傅明憲噚日去灣仔出席活動，佢仲攜同10歲大嘅愛犬「文文」到場。傅明憲戴埋狗嘴嘅口罩抱住「文文」合照，相映成趣。
陳偉霆近日去成都錄影《潮流合夥人2》，但比佢更搶鏡嘅，係一架載住兩隻牛嚟支持嘅應援車，車身橫額仲寫住「精神小牛全部聽令 潮流我霆哥請指示」。