林子博太太Shirley昨日傳來不敵癌魔離世的消息，令人欷歔。馬浚偉早前曾為林子博49歲生日慶祝，他昨日透過電話回覆《蘋果》時表示：「我理解同病魔搏鬥嘅痛苦，對Shirley嚟講係解脫，佢都可放心去天家。子博係負責任嘅老公同爸爸，一定會照顧好仔女，條路仲好漫長，希望佢努力，只要幫到手，一定會幫。」江美儀昨日出席活動談到林子博愛妻離世表示很難過︰「心情好忐忑，太耐朋友，睇住佢哋拍拖、結婚，加上啲細路咁細。之前仲一齊去慈山寺，咁難得籌到錢打針，唉！我哋早兩日先喺fb聯絡，點知今日就……人生無常，惟有珍惜。」
去年4月林子博公開太太患癌後，卻被無綫不續約辭退，幸獲不少圈中人送暖，除了馬浚偉邀請他演舞台劇外，阿姐汪明荃就送藏有一叠千元鈔票的月餅慰問，演藝人協會會長古天樂亦邀他拍戲、容祖兒更請他和子女一同拍廣告，劉德華介紹醫生、高皓正幫忙介紹工作，而薛家燕主動提出可以免費讓其子女到家燕媽媽的學校上堂，另有田蕊妮、張衞健、鄭秀文、張慧儀、梁漢文、鮑起靜及江美儀送上慰問及鼓勵，連大廈業主立案法團主席亦贈五位數字支票，力證人間有情，讓林子博深受感動。