無綫娛樂台前主播林子博的太太董燕君（Shirley）去年4月確診患上罕見癌症「平滑肌肉瘤（腹腔）」第四期。過去一年半林子博一家四口齊心對抗癌魔，惟昨日他在社交網留言，指太太離世︰「外父外母，請原諒我沒有好好照顧你的女兒，你們已團聚了嗎？老婆，我會照顧好詠渝、卓楠，你放心走吧，愛你！」
《蘋果》前晚曾致電林子博，當時他回應說：「早前佢肚脹有腹水，入院本來打蛋白針，最後要抽腹水，抽完佢就想返屋企，因為醫院唔畀探見唔到家人，但腹水針窿有滲漏又要再入院，幾次出入醫院後，醫生唔畀佢走。」
Shirley生前十分支持丈夫發展演藝事業，早前林子博應開電視邀請參與節目《大叔要變身》，除紀錄他減肥變身的過程外，Shirley身在病榻中也為丈夫拍片打氣。節目中林子博表示太太當時的身體出現不同類型的痛：「佢試過痛到又暈又嘔，食唔到嘢，又落唔到床。有好多嘢都唔係自己控制範圍之內，唯一係可以控制自己嘅情緒，要自己保持開心，所以唔使擔心，有我哋一路陪你行呢條路，我有信心我哋可以睇住啲仔女成家立室，將來都可以抱孫。」
林子博一家四口本是溫馨家庭，經常獲邀出席公開活動，林子博自去年公開太太患病後，終日為愛妻醫藥費奔波，去年10月卻慘食無綫「無情雞」，幸得圈中有心人幫助他渡過難關。由於Shirley發現時癌細胞已擴散到肝、胰、肺及淋巴，惟有進行化療，去年12月完成整個療程，今年初病情好轉。
其後，Shirley的病情多次出現反覆，今年8月癌細胞更有擴散迹象，幸15歲的大女詠渝及11歲的兒子卓楠十分生性，幫忙做家務，Shirley曾說：「自從上年有呢個病，改變咗我嘅諗法，有啲嘢我唔會諗得好長，淨係珍惜𠵱家，太遠嘅嘢我都唔會諗。」上月林子博在社交網為妻子籌募「幹細胞治療」醫療費用，得到不少有心人熱心幫忙，林子博亦打算安排太太到台灣嘗試接受免疫細胞治療，可惜Shirley病情一直反覆，入院後癌細胞繼續擴散，連進食吞嚥亦有困難，病情急劇惡化，昨日更傳來噩耗。
林子博與Shirley於2003年結婚，婚後育有一子一女，林子博2013年於節目中自爆10年前，未有為太太送上求婚戒指而感到遺憾，結果一番感人說話獲珠寶商贊助，在仔女見證下將一卡鑽戒戴在太太手中。Shirley去年接受雜誌訪問時，也多謝丈夫的愛︰「感恩遇到佢，因為無事無幹係睇唔到任何嘢，我覺得自己好幸福。呢場病睇到佢嘅愛超乎我所想，喺人海中搵到一個咁愛自己嘅人係好困難，所以我要努力為呢個家生存。」