上禮拜喺愛華頓對利物浦嘅英超「默郡打吡」，被指兩度犯下嚴重錯誤嘅VAR球證大衛高特，將會喺今個禮拜曼城對韋斯咸嘅賽事擔任第四球證，係佢今季首次未獲安排出任球證或VAR球證工作，下禮拜將會下放落英冠執法。利物浦上禮拜六作客愛華頓嗰陣出現兩大爭議，而且都向愛華頓有利，雖然兩次都有VAR介入，但判斷未能令人信服，紅軍已經去信要求賽會就判決作出解釋。