前熱刺前鋒戴倫賓特，禮拜一公開鬧爆阿仙奴隊長奧巴美揚，話佢袋咗30萬鎊高薪續約3年之後，表現開始下滑，似足已被踢出阿仙奴25人大軍名單嘅奧斯爾：「佢續約前會滿場飛做攔截、突破等，家陣你可以睇得出佢表現大幅下滑。」結果今季英超踢咗5場入得1粒嘅奧巴美揚，之後就喺社交網站上傳咗張自己操練嘅相，正面抽擊賓特嘅批評。