訪問時張小倫帶來了一張合成照片，原來是現任香港男花法籍「鬍鬚教練」Greg（Gregory Koenig）跟小倫於2008年一次北京奧運測試賽對壘，誰會想到10年後Greg做了小倫教練，還帶領港隊歷史性闖入東奧團體賽，小倫寄望Greg能帶港隊走得更遠。
小倫說：「呢張相真係經典，連我都唔記得同Greg同場打過，係佢老婆呢排搵出嚟畀我嘅。」42歲的Greg平易近人，他曾是2008北京奧運法國隊的後備劍手，個人曾奪2009年波恩世界盃金牌，曾短暫出任過中華台北隊教練，2018年12月正式加盟香港隊，正如小倫口中所說的，港隊一跟Greg就「出事了」。
Greg任教香港花劍隊不足半年，男花就在去年5月的聖彼得堡世界盃歷史性爭得一面團體銀牌，燃起港隊爭東奧團體賽的希望，小倫說：「Greg出身自傳統劍擊強國嘅法國，喺技術同信心上，佢帶畀我哋好多唔同元素同埋新方向，當中最重要就係信心，佢嘅教法令我哋信心大增。」從未取得的奧運團體資格也到手，香港男花隊下一步是衝擊奧運團體獎牌，小倫有信心Greg能帶他們一步步向奧運頒獎台邁進。