與老公樊少皇育有將近3歲女兒的賈曉晨（JJ），昨日在社交網宣佈陀第2胎。JJ昨日接受《蘋果》訪問，坦言今胎是意外懷孕：「之前冇諗過生二胎㗎！本來都要入劇組拍一部古裝劇，拍之前先發現有咗，結果拍唔成，不過都開心，個女有個伴！」JJ又指懷孕期間腸胃有點不適，現正專心留家養胎。問到第二胎性別？JJ大賣關子，表示稍後才公佈。
另外，陳嘉寶去年1月為老公誕下女兒Hosanna，一直沒懷孕迹象的她，昨日忽然在Ig公佈細女Eliana已經出世的喜訊。陳嘉寶昨日回覆傳媒說：「今個月中旬已經出咗世，成個孕期都係好平安。」提到7月時與老公的合照依然未見肚，她說：「呢個都好多人問，遲啲再同大家分享啦！」