【本報訊】第三波疫情逐漸緩和，停業近兩個月的娛樂遊戲場所昨日重開，食肆每枱人數亦放寬至四人。有麻雀館中午復業，不消一小時，場內33張麻雀枱幾乎滿座，當局建議麻雀館內不要進食，有雀友不介意，笑言「最緊要有糊食」，另有家長立刻帶子女到溜冰場上課。食環署昨加強巡查食肆，暫檢控七名涉違反防控規例的食肆負責人。
昨日可重開的處所包括遊戲機中心、所有遊樂場所、公眾娛樂場所（包括表演場所）、麻雀天九耍樂處所。灣仔一間麻雀館昨午營業，職員與熟客多時不見互相問候「好掛住你呀」、「等咗好耐喇，悶到嘔血呀，放監喇」。該麻雀館每枱分隔1.5米或用膠板分隔，有新客加入即消毒麻雀，又在當眼處擺放消毒搓手液，但每張枱則未設消毒液，負責人笑言客人迷信「話消消消，燒走我啲銀紙」，但客人仍有自備搓手液。
雀齡40年的林先生不介意場內不能進食，「最緊要有糊食」，更笑言準備每日幫襯「梗係要日日嚟，餓咗咁耐」。他不擔心染疫，因打牌時不會說話，自己亦做足防疫措施。
另外，溜冰場昨亦重開，黃太第一時間帶女兒到九龍灣MegaBox溜冰場上課，她說：「（女兒）平時都話唔肯戴口罩出街，一話有得溜冰，即刻肯戴。」
在沙田、荃灣的大型遊戲機中心所見，昨晨開門不久已有機迷捧場，客人進入機舖要先量體溫，全程戴口罩，遊戲機之間有膠板分隔，清潔工對「有開工」感到高興。
有玩家玩其中一部音樂遊戲機時會戴上自備手套，機迷鄭先生說：「玩呢部機如果唔戴手套會好痛，不過如果疫情方面嚟講，可以做自我防衞，安心啲。」有店長指昨日重開的人流較預期少。有家庭遊樂中心的職員為顧客登記聯絡資料，以便日後若有需要協助追蹤。至於食肆方面，職員坦言每枱放寬至四人後，減少輪候時間期望生意好轉，有食客指放寬影響不大，因外用膳已習慣做好衞生措施。