「又飛啦！Flyagain.la」創辦人周錦基過去來自傳媒業，從事市場推廣工作，他認為今次這一波「廣告行動」，港人既是支持《蘋果》，同時尋找發聲空間，「大家原來仲係好熱血，令人好感動，有種乜都試心態，因為唔試就死硬，到今日連落街起個連儂牆，風險都好大，仲有乜係可以合法、和平又唔需要承擔風險方式發聲？好彩你哋有連儂牆（廣告計劃）。」
今次全城支持《蘋果》，壹傳媒肯定是最大受益人，其實亦令公眾跟壹傳媒及《蘋果》的關係出現新變化，「我想同黎（智英）生講，唔敢教佢做生意，但經過今次，《蘋果》唔再係屬於佢，係屬於香港人啦，所以佢要放多啲手，畀香港人多啲input畀《蘋果》。」
他更獻計，雖然紙媒被認為沒落，但紙本《蘋果日報》其實仍有很大發揮空間，特別當香港社會今天仍需要「轉藍為黃」，《蘋果》可以向長者埋手，「可以成立基金叫大家捐錢，香港人好有錢，只係你要畀個理由佢花呢筆錢，再搵區議員幫手，喺社區向長者贈閱《蘋果》，仲可以連結小店提供優惠印花，整版長者專版加大字體方便佢哋睇又得唔得？咁份報紙咪可以入佢哋屋企囉，又可以增加銷量呀！」