上周喺歐聯四強出局嘅里昂，上周五已返番去踢法甲新球季，結果憑迪比嘅「帽子戲法」，喺主場4:1反炒迪安，當呢位荷蘭國腳賽後被問到最近同巴塞隆拿扯上關係嘅傳聞時，佢竟然唔避嫌咁話踢大球會係佢嘅夢想，又話巴塞家陣由前荷蘭國家隊教頭朗奴高文領軍，對方一直都好照顧自己，情同師徒，只係暫時未收到高文嘅邀請電話，擺明向巴塞送秋波咁款喎！