15歲女兒被捕在警署情緒失控行為異常，做母親的唔肯幫女兒保釋，沒有問失控的原委，推搪說自己唔識handle，拍拍屁股走人。女兒由社工接走，再次送去她曾經N度逃亡的女童院，而這次更被單獨囚禁。這個做人老母的，法庭上質問精神科醫生，個女明明話有把男聲在耳邊講話：「紀錄冇寫嗎？你自己唔記得嗎？」Lunch哥早一天的中指，這個阿媽不但不用啃，還有人出手，狀告這隻中指。厲害了，世上只有這個媽媽好！
耳邊響起曾經對大台記者哽咽自己也是一個母親那位「慈母」，黑面痛斥不參與全民檢測的醫護專家與一般市民，「係乜嘢嘅心腸」。送中送唔成，TG係咁擲，硬推国安法，連自己個仔都被迫敗走美國。咁樣對待香港兒女，又係乜嘢心腸？冇得賴耳邊有一把男聲，叫她煮重香港米，聽話吃阿爺的大鍋飯吧。年輕人有對立反抗症，唔肯被信用碼監控嗎？三萬，上門！
重組浮屍冤案，外公指出，15歲少女是從去年8月開始反常。811食完催淚彈的後遺症，大人唔理；聲稱警署內被挑釁，投訴亦唔慌有紀錄。姓鄭姓何兩位母親，自知罪孽深重，極欲轉移視線，搵醫生做替死鬼，除了一個大話冚另一個大話，我諗唔到有第二個目的。