正所謂「有人歡喜有人愁」，菲臘比古天奴喺2018年決心離開利物浦轉投巴塞隆拿，就係要圓歐聯冠軍夢，估唔到「古一招」呢個夢會係以拜仁球員身份實現。不過呢位巴西國腳賽後話，踢完決賽就要返巴塞報到，下季去邊度踢波就唔清楚喇。有消息話巴塞根本唔想留佢，仲打算將佢賤賣畀阿仙奴，同韋利安、大衛雷斯喺兵工廠組成「森巴軍團」。