PSG前鋒基利安麥巴比遺憾失冠，不過佢只係21歲仔之後仲大把機會。唔講唔知原來佢嘅語言能力相當唔錯，周日嘅歐聯決賽賽前佢就接受咗英語媒體訪問，用好流利嘅英文對答。有唔少網民都話麥巴比嘅英文，比起喺英超打滾咗接近10年嘅曼城前鋒阿古路仲要好，更有人講笑話仲好過英格蘭前鋒哈利卡尼㖭！唔知佢係咪諗住去英超搵食、所以呢幾年一直苦練英文呢？