今屆歐聯受到武肺疫情影響，決賽由原定嘅土耳其伊斯坦堡改到疫情較輕嘅葡萄牙里斯本舉行。但係場波要以閉門進行，搞到當地嘅決賽氣氛明顯唔及往年。每逢大賽前夕，喺球場外炒飛嘅黃牛黨今年當然無晒影，當然我哋唔鼓勵炒賣，但連帶喺當地賣紀念品嘅商戶都生意慘淡，有小販就話大半日只係賣出咗一條圍巾就索性提早收檔。