白羅斯因總統選舉涉嫌舞弊，引發全國性示威，當地警方暴力鎮壓，國內外大力批評警方濫權濫捕。前眾志秘書長黃之鋒留意到，原來白羅斯同香港警察，用緊同一款軟件破解抗爭者嘅手機，截取佢哋嘅私人資料、對話紀錄等，難怪忍唔住講句：「果然是黑警一家親。」
其實港警強行破解抗爭者手機，都唔係新鮮事，不過就咁啱得咁蹺，同白羅斯一樣用以色列公司Cellebrite嘅UFED程式，繞過用戶嘅手機密碼同加密程式，直接套取手機內嘅個人資料，所有資料都可以畀班警察睇晒。
之前曾助港人阻止以色列出口破解軟件畀港警嘅以色列人權律師都話，已經再度去信以色列，要求停止向白羅斯出口呢套軟件。之鋒亦決定幫當地抗爭者，佢喺Twitter發起投票，籲網民表態，反對Cellebrite協助白羅斯黑警破解當地手足嘅電話。
查實白羅斯內政部長事後曾為警察濫捕濫暴向人民致歉，又應承釋放所有被捕示威者，唔知香港有冇呢一日？
聯署連結：https://twitter.com/joshuawongcf/status/1295792958982066176