曾帶領曼城贏過四次英超冠軍嘅前隊長高柏尼（圖），上年返咗家鄉比利時安德列治做球員兼教練，點知教咗四場都贏唔到就唔撈，專心踢波。事隔一年，安德列治禮拜一喺官網宣佈，高柏尼將會成為球隊未來四季嘅教練，仲正式結束咗佢17年嘅球員生涯。高柏尼解釋話：「我想集中精神去教波，付出我所有時間去做教練，所以咪退役囉！」