現年64歲的吳剛近年主攻飲食業，但屢傳財困，日前有讀者孫先生向《蘋果》爆料，指吳剛去年9月為他代購34張陳奕迅演唱會門票，雖然演唱會取消，大會於4月底完成全部退款，惟孫先生至今仍未收到吳剛拖欠的3萬多元退款，被迫報警求助。
吳剛拖數報道爆出後，《蘋果》昨日再收到另一名苦主Kenny爆料，指今年1月請吳剛代購原定今年2月舉行的「劉德華2020年My Love紅館演唱會」門票，主辦單位因為疫情關係在1月26日宣佈取消，今年6月底已公佈退款申請的處理於今年6月30日完成。不過Kenny經吳剛代購的8張980元門票錢，涉款合共7,840元，至今仍未獲退還。根據Kenny提供吳剛收錢後的手寫收據上的日子是1月24日，即演唱會宣佈取消前兩日。
Kenny昨日接受《蘋果》電話訪問說：「我喺活動上認識吳剛，見過兩次，1月時想訂華仔演唱會，吳剛話可以幫忙，仲要唔係黃牛飛，正價又唔收手續費，我就搵佢訂咗八張980元嘅飛，佢聲稱自己係演藝人協會會員，可以內部訂購。我於是就信以為真入數畀佢，佢仲手寫收據畀我。我搵佢買飛後，吳剛師傅就提出為外母喺廣州醫病，急要5,000蚊應急錢，我見佢幫我買飛，朋友互助，我咪入畀佢。不過冇耐佢又短訊嚟，想我再借5,000蚊，我就唔肯。佢4月中時仲短訊嚟話可以同我訂張敬軒啲飛，我見佢舊數未清，當然唔搵佢訂喇！」演唱會票錢加5,000救急錢，Kenny先後過數12,840元給吳剛，吳剛過去半年一直拖字訣不還，同樣都是回覆有事忙未能回港過數，又承諾會給予3,000元到5,000元不等的利息作補償，惟未有兌現。
屢稱下周即還
Kenny軟硬兼施表示會報警求助，吳剛每次皆稱外母病情拖延歸期，要下周才返港，但一直無了期未肯還款，情況就如上一個苦主一樣。Kenny遂提出可以找友人在廣州代收錢，吳剛卻叫Kenny提供內地銀行戶口，並答應昨日過數。《蘋果》昨日聯絡吳剛，但未有回覆。此外，《蘋果》昨日再聯絡另一苦主孫先生，他謂報道出街後，吳剛潛水不覆，依舊未還款。