據英國傳媒報道，阿仙奴高層家希望透過出售隊內嘅球員，用嚟籌集資金畀領隊阿迪達去簽入其他球員。有指四名槍手包括美蘭尼爾斯、古安杜斯、盧卡斯托拉拿同柏柏斯達夫普路斯，已經被認為係可以離隊嘅球員，只不過阿迪達就對呢張賣人名單好不滿。報道仲話雖然球會仲未正式列出轉會名單，但係願意接受其他球會對呢四位球員嘅報價。四個球員之中，阿迪達對球會有意出售22歲嘅美蘭尼爾斯就最唔滿意，佢唔希望尼爾斯離開，但假如有合適報價嘅話，槍手高層係傾向會賣走呢位英格蘭新星。至於柏柏斯達夫普路斯喺威廉沙列巴結束外借回歸後，比較難再有上陣機會。另外古安杜斯就因為紀律問題遭棄用，托拉拿就唔係阿迪達杯茶，佢哋離隊只係時間問題。