太保及袁富華主演的同志電影《叔．叔》昨日榮獲美國波士頓同志電影節的評審團獎，袁富華昨接受《蘋果》訪問時表示：「剛收到消息但都未消化，知道得獎我就出post，都未同導演聯絡同埋恭喜佢。」談到感受，他坦言沒有想過電影可以到其他國家參展，加上得獎更感興奮。
導演楊曜愷回覆《蘋果》時表示很開心：「呢一個係我哋喺美國第一個獎項，好興奮，因為外國嘅觀眾都可以體會到故事人物嘅矛盾，證明唔同文化亦可以有共識，希望疫情早啲完結，可以早日喺美國戲院上映。」據了解《叔．叔》的北美發行商會把影片的英文名改為《Twilight’s Kiss》，而片名後註明「SUK SUK」。