【本報訊】多次經歷金融危機的波叔，慨嘆近月要在樓市低迷下減磅套現，坦言現時其實是買貨時機，「我哋唔捨得賣，但窮米缸冇米，冇辦法唔賣」。
「今次冇辦法 真係等錢用」
波叔最近以4.5億元招標出售太子基隆街地盤，較市傳放售價6億元勁劈兩成半；另外粉嶺工廈市傳會以8.2億元售出，另外其他非核心資產亦在出貨中。
波叔慨嘆，以往多次逆市都「執平貨」，今次卻因重債無奈出貨，「89年9月，我哋買彌敦道、窩打老道交界舖位；喺金融海嘯買嘅貨，幾個月後銀行估價已升一倍。今次冇辦法，真係等錢用」。他根據以往經驗： 「賣咗嘅貨永遠買唔返，我哋個龍床盤（屯門菁雋），你話貴，之後又再貴啲。」
不過波叔「牙擦」指，疫市應只需賣幾件貨套現，「唔係我吹牛，我哋利潤比人哋高」；他認為現時是短期資金流問題，捱到出年市道反彈時會見曙光。87歲的波叔好仍然精靈，至今仍間中與地產界人士聚會，交流業界資訊及心得，在早餐會與Stan討論及分享。問到有何養生心得，波叔只道：「都係周圍行……睇吓樓啦！」