【財經專訪】近來地產界最熱話題，是老江湖「波叔」鄧成波因兒子鄧耀昇（Stan）大舉掃物業負債、故需在疫情下出山撲水還債。兩父子為此接受本報專訪，波叔力撐孻仔，欽點其為集團接班人，認為「最緊要經一事、長一智」。Stan坦言「第一次面對風浪」，正與老父商討沽售非核心物業。
記者：孫樂祈
鄧耀昇首次披露，父親創辦的家族企業成功集團，業務已逐步融合於其近年成立的Stan Group（陞域集團）。Stan Group疫情前斥資百億元掃貨，波叔早前向本報自揭集團已「借爆」銀行，要向財仔埋手。兩父子接受本報訪問解畫，87歲的波叔仍中氣十足，35歲的Stan亦步亦趨，偶然為波叔言論補充。
面對財困傳言，波叔指未有動搖基業，「我波叔喺市場有商譽，講嘢一向唔係吹牛。我哋有貨批咗，可以做活化，放幾億落去會變60億……如果有大問題，銀行已落雨收遮」。他指銀行已批出部份物業、於半年內只需還息不還本，令負擔大減。Stan在旁補充：「公司物業組合大都只造一按，有個別要短暫『過橋』（bridging loan），因為早幾個月市場資金短缺，但整體利息係十分低。」他未有透露實際息口。
欽點耀昇作接班人
過往波叔大力炒舖，Stan則一心轉型，成立陞域集團大搞酒店、餐飲，遇上百業蕭條，需撲水「供樓」及減持套現。外界指Stan作風進取令集團陷危機，但波叔直言已選定Stan為接班人：「幾個阿哥都退休，唔係佢仲有邊個？」波叔有兩任太太，大太太所生大仔耀宗已屆退休年齡；次子耀文負責工程，為父親店舖做外牆及改裝工程；三子耀輝打理家族的愛視美眼鏡，現在港有六間分店。二太太所生四子耀邦從事中醫，五子便是Stan。
波叔續指：「人嘅嘢冇話冇得改，經一事、長一智。今日遇到疫情，兩害取其輕（沽貨套現）。咁我始終老薑辣啲。」他大讚這個接班人有90分，「唔煙唔酒、工作認真、勤力，𠵱家游埋水鍛煉……人無百分百（完美），我都有我缺點，我就太鍾意講嘢」。
成功集團與Stan融合
Stan透露去年起，兩父子有更多交流；一年多前，波叔創辦、歷史悠久的投資旗艦成功集團，開始與Stan Group融合，「新舊公司融合緊，所以新舊班底每周開例會。雙方團隊推動緊大家同意嘅嘢，對波叔嚟講係一個突破」。他其後補充，融合的並非資產，而是Stan Group會替成功集團的物業增值及管理。據知這個融合仍是「磨合中」，據公司註冊處資料，成功集團仍由波叔及大太太的三個兒子任董事。
波叔和Stan同住複式單位，樓上樓下，住樓上的Stan離開屋企時必經樓下客廳；波叔每天堅持和Stan開「早餐會」，了解Stan對物業市道睇法，「佢出入要經過我哋，想走都走唔到！」Stan指已習慣每早打醒十二分精神，「佢會擺好個陣，整好早餐，準備晒一堆題目，要同佢對答」。
驟耳聽來壓力頗大，但Stan慶幸有早餐會「頂住」，「當係考驗我，但佢主要問番我事情進度，仲有咩選擇；佢係拍檔，咁我唔使自己take on所有決定」。