武肺在娛圈蔓延，曾到新城開咪的時裝設計師鄧達智於上星期確診，苦等四日才獲安排入住聯合醫院的負氣壓房進行治療，而他的同性配偶醫生陳梓欣就要送去火炭駿洋邨隔離。
鄧達智昨日入院第五日，初期由於藥物反應，曾一度發高燒、大腿皮膚變紅、身體乏力及冇胃口等，而他前日已停止打針。鄧達智昨日回應《蘋果》時表示已沒有發燒，亦有胃口：「我一路都冇明顯病徵，但就感染咗，我入院時嘅指數係差，雖然唔係話好差，但亦都唔係話好樂觀，所以佢哋要幫我打針，食勁嘅藥，佢哋相信我係好轉。病發到𠵱家，都唔知病發係幾時，但初步確診超過一星期，我都冇咳，冇肺炎過，情況係好好啦。聽日check埋個CT value，知道最新數字後，就決定幾時可以返屋企，陳醫生就今日可以離開火炭嘅隔離營，返屋企。」