大馬女神林明禎日前公開比堅尼相，但只係得側面，搞到網民留言跪求正面相。前日佢終於找數，公開輯相嘅正面相，大晒完美腹肌，網民大讚：「馬甲線比風景仲靚。」
幸福泡泡浴
無綫前主播林燕玲噚日分享老公葉浩文抱住沖完涼嘅囝囝相，話自己每朝早幫囝囝沖涼係每日最開心嘅事，舊同事蔡雪瑩就貼出同兩歲囡囡嘅游水舊相，希望疫情完結再玩。
溶妝走晒樣
黃曉明參與內地真人騷《中餐廳4》，要喺郵輪開餐廳，第一日搬行李上船，200幾級梯來來回回行咗10次，加上烈日當空，搬完之後，佢攰到妝都溶埋走晒樣。
口罩扮頭箍
杜德偉喺上海拍緊戲，趁開工前拍片變臉自娛。佢話呢條片係「自編自導自演自拍自剪」兼「處男下海」一腳踢搞掂，最後佢變成用口罩扮頭箍嘅大叔，非常搞笑。