【本報訊】本港爆發第三波武漢肺炎疫情，涉及最少兩間食肆，令飲食業再蒙陰影。即使食肆廣推抗疫優惠，食客仍不領情，紛紛表示會減少外出用膳；有食肆指自前日公佈多宗確診個案後，入座率即受影響。
食肆林立的銅鑼灣渣甸街昨午人流未算擠擁，多間食肆推出抗疫優惠，但下午茶時段不復昔日熱鬧，多間餐廳有「吉枱」，部份食肆廚房員工疑因太熱脫下口罩處理食物，亦非每間食肆都嚴守入座探熱規條。
食客譚先生表示，疫情後仍有外出用膳，但近日爆發第三波疫情會減少到街外進餐，「其實要做嘅措施都做足，戴口罩、個人衞生嗰啲，嚟緊可能會出少啲街，留意多啲餐廳防疫措施，如果冇做足都唔會入去」。
陪家人購買外賣飲品的翟女士說，疫情緩和時有鬆懈，「疫情冇咁犀利梗係想出去啦，吽咗咁多個月，𠵱家又爆返，仲話停課，真係會擔心！」被問及會否再外出用膳，她斷言拒絕：「唔會啦！冇乜必要唔會出街，咁多人。繼續戴口罩囉，仲有咩防禦措施呢？又冇預防針打。」
推優惠救亡
食肆丁財兩不旺，中菜館江浙滬門外貼上多張九折優惠宣傳單張，負責人之一鄒小姐坦言是因為疫情推出，「生意真係差咗好多，好老實我哋都係做返（提供）搓手液、隔板、探熱。政府派咗一萬蚊係多咗人出嚟，又冇限位，但同以前比係差咗，有時禮拜五、六、日繁忙日子都靜啲，呢條街係最旺，以前從來都未試過」。她續說，前日公佈新增本地確診個案後，生意即時受影響，但除了維持現有防疫措施，無更多措施可做。
上海香港麵家負責人顧先生表示，受疫情影響顧客已經減少，昨日人流再減，惟有繼續遵守探熱、提供搓手液等措施。
他慨嘆晚市生意最慘淡，原本過去一個月「好啲啲」，如今又「差啲啲」，「冇辦法啦，（等佢）慢慢好返啲」。