招聘警察，搵埋奀星出鏡拍宣傳片，證明銷情濕滯。感召對象，毅進年輕人唔落叠，只能轉移30+的中坑。恩怨分明，年輕人被跪頸爆眼手腳骨折，未夠，直情對準「肩膊」（其實差少少就係心臟）開實彈。交警見後生仔即刻上頭，二話不說開槍，還控告中槍者搶槍。
臭坑出臭草，當差死得早？未必嘅，宣傳片裏頭的中佬講明「愛陀槍」皆因薪高糧準兼有宿舍，等於承認，睇餸食飯，咪誤會「佢哋真係好撚鍾意忠誠勇毅」。讓中坑再出發，爭住上台撐警那些白衫，全部唔使考，PK鄧一俾手指公，年年25歲的阿倫都即刻請！勿懷疑中坑食力，阿叻如果保證唔移民荷蘭，国安公署豬乸會上樹那個筍位，後補名單實有佢份。中坑報效祖國，碰到最近一樁金槍不倒的新聞，實屬巧合。話說62歲法國猛男確診×肺後，陰莖居然企硬四小時！新聞令香港人想起幾位個底紅到發紫的光頭蛇！聽聞国安公署招攬警界中人，要由頭照落肺，照到入盲腸與屎眼。流血多過月經但眼都唔眨怕且亦未必頂得順。中坑自願做×肺的群體免疫白老鼠，high爆四小時仍然自我感覺非常十分長治久安的，毋須東張西望，係你啦！唔當差，點對得住懷胎十月你阿媽。