「波波姐」莊端兒昨日在社交網貼出婚紗相，並聲稱有「人生重大決定」要公佈，不過這決定原來並非是婚訊：「大家好，今日分享一個人生重大的決定，2020年7月7日我改名叫莊韻澄，請大家多多支持。」莊端兒昨日接受《蘋果》訪問時表示：「因為師傅幫我查過之前個名唔好，帶刀易有刀傷，我又2016年割咗個膽。仲話個名唔會有好姻緣，認識嘅都會比較花心，另外金錢運都係搵幾多就冇幾多，所以決定改名。」
莊端兒又表示今次經高人指點改名，好處多多：「會多貴人對事業好，而且會出現正桃花，希望來年可以有好姻緣。」問到是否恨嫁？38歲的她坦言：「係啊！」莊端兒表示裙下之臣有十幾個，不過仍未揀定男友：「仲未開始，不過都有人選嘅，但好多唔啱心水冇理，起碼都真係有十個八個，商界比較多，但我覺得唔係認真就唔浪費時間啦，希望出現有心人。」