大台花旦日漸流失，難怪啲劇集收視係咁跌，但反而有唔少姣精出現，不約而同介入人哋嘅家庭，搞到男方幾乎婚變收場。其中一個唔少大台中人皆一致認為係新一代姣精，當然就要數「腰果眼」。
頻頻噓寒問暖
千祈唔好睇腰果眼十足鄰家小女孩咁，平時衣着又唔性感，電力真係一啲都唔輸蝕。有名你叫腰果眼，顧名思義梗係用對電眼嚟發電啦，男士真係少啲定力都隨時中招。腰果眼除咗有一對電眼，佢仲有一樣絕招征服啲男對手，就係「死黐」。
Jessie聽聞逢係俾腰果眼睇中放電嘅男拍檔，兩人個合作期間，腰果眼都會當正對方好似自己男友咁，做晒女友會做嘅嘢，例如噓寒問暖，即使收工依然不停WhatsApp男方，講埋啲根本係男女朋友先會講嘅甜言蜜語，問你怕未？唔好以為腰果眼近年公開有圈外男友就修心養性，錯晒！腰果眼依然愛四圍獵食，所以姣精之名絕非浪得虛名。
撰文：Jessie
本欄逢周三刊出
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。