周一德甲上演咗升降班附加賽次回合，作為德甲創始球隊之一嘅雲達不來梅，以德甲尾3身份作客德乙第3嘅海登咸，由於首回合不來梅主場同對手踢成0:0，次回合變咗生死戰，結果不來梅2:2和咗對手，憑作客入球優惠保住德甲席位。今場後就掛靴嘅不來梅41歲老將比沙路呢場冇份踢，不過一班不來梅嘅隊友以保住德甲席位歡送決定退休嘅佢，都應該老懷安慰喇！