本港政治環境急速惡化，有移民顧問指自去年6月反送中運動爆發，接獲申請移台的港人個案至少有2,000宗，較以往每年只約100宗急速飆升，甚至有人不惜冒着疫情衝擊下仍希望盡快離開，「最好係可以畀佢哋即刻走」，情況較九七移民潮更誇張。
顧問公司：勁過九七移民潮
根據中華民國內政部移民署統計，2014年至2019年港人移台定居數據不斷上升，2014年有697人；2015年891人；2016年1,086人；2017年1,074人；2018年1,090人；至去年全年多達1,474人，六年內急增1.1倍。
環凱移民顧問公司董事張家禧稱自反送中運動，查詢及申請移民台灣的港人急升，國安法正式在港實施前夕，每日更至少接獲逾30多宗申請或查詢，形容全行均「做到冇停手」。
張家禧分析台灣移民門檻較低，適合急於離港但經濟能力有限人士，「較多（移台）嘅人士係資產唔係咁足夠，去唔到美加澳英嘅人；第二就係比較年輕嘅人，佢哋嘅資產唔係咁充裕；第三係一啲準備退休人士」。近月大部份申請移台港人年約40至60歲，當中選擇投資移民人士佔多數。
Anlex灝鏘移民行政總裁羅立光（圖）指，近來的移民盛況已超越九七移民潮，申請移民的港人堅決離港，「九七嗰時好多（人）都係恐慌性，但𠵱家嘅都係面對同感受過好多情況決定要移民，已經唔係買保險」，他相信移民意欲與本港近日政治環境急速變化有關。