自二月尾開季後一直停擺的日職，事隔四個多月後終在上周六正式復賽，復賽首周的焦點一戰必數「大阪打吡」飛腳迎戰櫻花。雖然飛腳有老將遠藤保仁追平日職上陣紀錄，但球隊仍以1:2不敵同市宿敵。
受武漢肺炎影響，今季的日職於開季後只打一場比賽就被迫無限期暫停，而在疫情稍為放緩之下，最終決定七月初以閉門作賽的方式重開。復賽首周的大阪打吡，年屆40歲的飛腳隊長遠藤保仁正選上陣，為其職業生涯第632場的日職比賽，成功追平傳奇門將楢崎正剛的出場紀錄，並列日職史上上陣最多球員。
不過，飛腳今仗主場出擊卻慘吃一記悶棍，臨完半場前櫻花先有前鋒奧野博亮接應傳中門前撞入領先，62分鐘更有左閘丸橋祐介禁區靚絕勁射拉開紀錄，飛腳其後雖有艾迪美臣巴拉加射入12碼追近，但未能增添比數下，最終以1:2不敵櫻花。同日另一場，有西班牙老將恩尼斯達擔正的神戶勝利船，復賽首戰硬撼廣島三箭，可惜仍難阻球隊大敗一場，以0:3不敵對手，開季兩戰未嘗一勝。
文：亨少