周日意甲，AC米蘭主場迎戰羅馬，雙方喺上半場都把握唔到啲黃金機會，半場互交白卷。下半場戰情繼續膠着，直到羅馬主力球員被換出嘅時候，米蘭就趁機偷襲成功，憑住前鋒列比錫係門前混戰先開紀錄，又喺臨完場前憑查漢奴古主射12碼中鵠埋齋贏2粒，繼續守喺聯賽第七位。同日，國際米蘭（圖）作客帕爾馬，主隊開波15分鐘先由謝雲奴入波。下半場踢到65分鐘，一直坐喺後備席嘅國際龍門貝尼因為唔滿意球證判決而直接俾人趕出場。直到84分鐘，國際喺一次角球攻勢入面，迪維積（左）頭槌建功追番一粒。之後帕爾馬更有古卡2黃1紅被逐，而國際就喺第87分鐘由後備上陣嘅巴斯東尼（右）近門頂入，成功反勝帕爾馬，暫時排喺聯賽第三位。