【本報訊】的士業界認同抗疫基金申請門檻低，兼職司機均合資格，手續亦簡單，只需租車合約及車主簽名。不過，補貼政策卻令車主及車行藉此圖利，加車租、收手續費和瓜分補貼等。有司機怒斥：「啲官諗得好簡單，屎坑橋，但冇諗老奸巨猾都係車行。」大部份司機的申請受車行操控，急需錢應急亦無可奈何。
車行濫索「手續費」
「一架車十幾人揸，點報呢？」駕駛的士20年的成哥指，每車一般有兩個正更、兩個替更，故一車四人的補貼名額看似合理；但政府卻未考慮業內另有運作，造成漏洞。「有啲（的士）係有限公司持有，（司機）搵唔到車主。」有車主找無開工的司機申請再對分資助，「（冇開工司機）無端端拎幾千蚊。」
計劃甫推出，司機德哥即向車行找車主簽名，但車行反着他別急於申請，「話派錢方案未清晰，指引未夠清楚」，又不肯透露車主身份，令他遲遲未能申請。車主難尋，向車行租車的Simon直指「急都無辦法，你要車主簽名。」他指車行全程操控申請進展，感到無奈。另有司機控訴車行竟向司機索取一半補貼，「一部車四個名額，有啲車一架就收十萬」。
行家盧生則慨嘆，基金未到手已需付200元手續費予車行代為申請；車主又加30至50元車租，「如果車主只要簽一張授權書，授權畀車行或者打理人，手續費50蚊就比較合理。」