「超人」李嘉誠私人投資旗艦維港投資（Horizons Ventures）近年投資生態環保，多少希望為全球生態出一分力，原來背後有段爺爺保護孫女嘅故事。
話說十幾年前，李嘉誠其中一位孫女仲係一個細路女時，有次到高爾夫球場睇爺爺打波，忽然一輛貨車經過，喺孫女跟前排放出一大團黑煙，呢個畫面對佢而言相當震撼。
就係咁，李嘉誠下定決心要對全球生態做番啲嘢，否則對唔住下一代；其中一個舉動就係投資澳洲初創公司Soil Carbon Co.。
Soil Carbon Co.係一群決心拯救泥土碳失衡嘅農夫，透過微生物科技，將大氣中二氧化碳轉化為泥土中嘅「固碳」，令泥土更肥沃。
佢哋獲得融資後將兩團泥送畀李嘉誠，一團係普通泥，一團係已固碳嘅泥土，顏色深啲；聽講李嘉誠打開呢份禮物時，覺得好似睇到地球嘅未來救星，話會珍而重之收藏喎。
李華華
mailto:LiWaWa@AppleDaily.com