民主派立法會選舉初選提名名單公佈，也代表9月立法會選戰揭開序幕，不過在港版國安法壓境下，參加初選每名泛民候選人，被DQ風險越來越大。
準備Plan A全軍覆沒
有民主派人士直言，他們不止已有Plan B人選，甚至連Plan C也準備好，但暫時不會公開他們身份，以免遭北京作針對，但他直言除非北京連整個立法會選舉也DQ，「只要有選舉，就有民主派候選人，你（北京）DQ幾多民主派都冇用」。
該民主派人士稱，面對北京及建制派指不支持港版國安法，有會影響立會參選資格，他們早已預計北京會DQ民主派的Plan A，「最壞情況唔只係DQ幾個，而係全部Plan A都DQ」，所以他知道不少泛民政黨早已有Plan B、甚至Plan C準備，「呢啲Plan B、Plan C好多係各泛民政黨內二、三梯隊，唔好處係其人知名度當然唔高，但呢個亦係好處，因為好少係公開場合講嘢，要搵藉口DQ佢哋都唔易」。
雖然立會地區直選以名單參選，但不少參加初選名單均只列出排第一的人選，未有名單內其他人名，該民主派人士說，在比例代表制下，「反正係排第一名先有機會當選，其他名唔使咁快定」，固然是原因之一，另一考慮是不想在現階段將Plan B、甚至Plan C人選曝光，「如果𠵱家公開晒份名單人選，即係畀北京睇住嚟打？」
季陶
周一、三、五刊出