【本報訊】有居民在良景邨公屋恐怖後樓梯自製糭，衞生程度成疑，有街坊原本支持小商戶，買糭後獲悉小販製作工序及看過相片後大感核突，打算全數丟棄，亦有巿民指平時只光顧大集團銷售的糭，認為一旦出事可追究及追索源頭，不會貪平光顧無牌小販。
有街坊不敢吃 「衞生事大」
陳先生幫襯該名小販購買三隻糭，獲悉她在後樓梯包糭後，直言「唔係咁好，擔心有機會傳播病毒。應該唔會食啦，唔好講疫情先啦，又用口又赤腳，個後巷（樓梯）咁恐怖！」他稱本着支持街坊生意和本土經濟，過時過節才買糭，但目睹工場環境後直言對衞生狀況大打折扣，「可能會扔，生命誠可貴，唔博，見到咁嘅真相會避忌，錢係事小，衞生事大，食咗要睇醫生就唔好！」
另一名光顧小販買糭的年長男街坊則表示，「冇辦法，都買咗兩隻啦」，又指可能很多工場衞生程度都差不多，買了又不想浪費，會選擇煮耐一點殺菌。
另一位女街坊則因小販「走鬼」買不成糭，當她看到工場真面目時嚇一跳，「嘩！唔係呀！咁核突！如果咁樣就污糟，擔心呀！」慶幸自己無緣購買。