組合ERROR近日主持ViuTV綜藝節目《ERROR自救TV》開始廣為人識，成員之一的郭嘉駿（193）昨日突於Ig表示自己「失業中」，疑似事業觸礁。
現年30歲的193因身高193cm而命名，他時常於社交平台支持反送中運動及譴責警暴。昨日他撰文表示：「ERROR局限咗好多嘢，人哋總會覺得我哋騎呢、巖巉、樣衰、搞笑、甚至無腦。喂！大佬我喺英國讀心理學㗎，但冇人會搵我去做正經節目……我知道ERROR成軍嘅時候就係ERROR。」193呼籲fans繼續收看《ERROR自救TV》：「之後有排都見我唔到㗎啦，我手頭上嘅工作已經完成晒。失業中的193上。」
《蘋果》昨就此事向193求證，他說：「唔係唔撈，純呻吓，解釋番我哋係ERROR就係ERROR。而失業中係事實，唔係離開ViuTV或ERROR，我未來幾個月日程表都冇工作，知道其他成員有嘢做，所以我係一個失業中的人。」