現年29歲的蔡思貝日前接受商台節目《1圈圈 星光背後》主持人梁泰來訪問，談到她於2013年參選香港小姐奪得亞軍，入行後緋聞不斷，先被傳暗撻人夫王浩信，其後又和麥秋成、張振朗，余德丞及胡鴻鈞等傳緋聞，因而被封為「發電機」，幾乎每次拍劇都與男拍檔撻着。
堅稱現在單身
蔡思貝在節目中澄清，過往任何一單緋聞中，只有與麥秋成是真感情，而她目前是單身，她說：「我返香港之後，只係同麥秋成拍過拖，其餘都係好朋友、好拍檔，如果大家心水清，胡鴻鈞當年有同我一齊演《衝線》，我同余德丞同埋佢，成日三個人一齊食飯，我𠵱家係單身。」
蔡思貝透露與麥秋成分手後仍保持朋友關係，至今都有保持聯絡，更大讚對方是好男人。對於相識經過及分手原因，蔡思貝坦言：「秋成係一個好男人，初入行喺studio影完雜誌相，係一位化妝師朋友邀請我參加聖誕派對時認識，佢入到嚟見到我同我傾偈，好浪漫咁話：『喺成個場只見到我一個人！』我哋做咗九個月朋友至開始拍拖，分開係因為佢想穩定話要照顧我，而我先啱啱入呢個夢想嘅演藝行業，唔想咁快穩定，大家追求嘅嘢唔一樣。」
二人仍是朋友
另外，蔡思貝昨日到將軍澳為購物網宣傳，蔡思貝被問到麥秋成是否曾向她求婚，她說：「唔記得訪問講咗幾多，但兩人因了解而分開。」二人分手原因是目標不一致，男方想結婚，但她不想放棄剛開始的事業，被問到若二人目標一致會否能復合？蔡思貝說：「二人還是好朋友，會互相問候，麥秋成簽了大台，見到對方的作品會短訊聯絡。」
對於分手後，麥秋成即與其他異性傳出緋聞，蔡思貝大方說：「分咗手梗係同其他人一齊。」現時她與胡鴻鈞傳緋聞，對於會否同樣在9個月後才公開戀情，蔡思貝說：「大家係好朋友，時間呢啲好死，今日訪問充滿愛。」蔡思貝表示現在想拍劇有成績，不會急於拍拖，感情看緣份及時機。
撰文：張明