【本報訊】「我成日反問自己，點解會咁？（女兒）可唔可以講返畀我聽，爹哋係咪做錯嘢？」從事飲食業、身兼母職的黎爸爸，對10歲幼女Kat Kat本月初從順天邨住所墮樓身亡仍滿腦疑問，雖知女兒生前讀書有壓力，事後曾向女兒同學查問，甚至問米仍找不到原因。黎爸爸坦言今年的父親節要在自責與痛苦中度過，並帶着這個疑問度過餘生。現時只有一個願望：「做好個喪禮，冇甩漏。」
八年前黎爸爸與菲律賓籍妻子離婚，當時四歲及兩歲的子女隨他生活，幼女Kat Kat乖巧懂事，是他的掌上明珠。可是兩星期前，女兒墮樓死亡不辭而別，至今他仍找不到女兒尋死原因，十分自責。「有次佢扎醒，係夜晚10點幾，佢攞起書包話『未做晒功課』，我話『𠵱家瞓覺時間你唔好做啦，老師鬧嘅你話爹哋帶咗你出街，叫老師打畀爹哋』。」他指女兒成績不算優異，沉重功課早令她吃不消，自己看着心痛，但無能為力。
父兼母職 後悔陪伴時間少
他與妻子離異，女兒從小失去母愛，後悔未給女兒太多時間，「我成日勸佢，讀到就讀，唔使咁緊張，𠵱家唔多唔少都怪自己唔夠時間觀察佢，同佢真心傾偈」。可惜一切已不可挽回，「如果下世許可嘅，我想做你老竇，做多次」。為了解亡女「近況」，日前他求助問米阿姑，希望通靈找到女兒，雖知這是迷信事，但聽罷還是覺得內心舒坦：「佢話佢同啲姐姐一齊玩，話唔使擔心我呀，我去咗另一個世界。」
每逢父親節他都為子女下廚，煮菲律賓春卷、牛扒、意粉，「Kat Kat全部都鍾意食！」自豪只要是自己出品，女兒都喜歡。但今年Kat Kat不在，冰箱剩下她未及吃的雪條和甜筒，以及一袋特意為她準備的朱古力。
說着女兒往事，他幾度泣不成聲，形容與Kat Kat關係既是父女，又是好友，睡前都會親吻女兒，女兒知他工作辛苦，回家後會斟水給他及替他揼骨。這個父親節，他忙着辦女兒喪事，訂靈堂、構思擺設、選花牌，「佢鍾意白色，我買咗副白色嘅棺木畀佢」，更許諾未來會振作，着女兒不要掛心。